Wednesday, January 13, 2010

Blind Item: Aktres-aktresan, Napaka Balahura!!

OLA CHIKKA! MAHULAAN n’yo kaya kung sino itong pahuhulaan ko sa inyo ngayon? Naku, ha? Grabe pa naman ang hitad na ito na pasaway. Hahaha! Ang aga pa, may clue na!

Itong si aktres-aktresan – naku, hindi naman siya talaga aktres sa paningin ko – ay wala na palang raket dito sa bansa, kahit papalapit na ang eleksiyon. Ni isa raw ay walang kumuha sa kanya, samantalang ‘yung ibang mga artista, naka-book na sila kahit malayo pa ang eleksiyon para mangampanya sa mga kumakandidato ngayon.

Kaya itong si sexy actress, naghahanap ng paraan para magkadatung. Dahil bukod sa marami itong babayarang bills at sangkaterbang utang, may dyowa rin ito na hinaharbatan lang ang balahurang aktres na ito, huh! Kaya nu’ng may kumuha raw rito para mag-show sa Japan, sinamantala na raw ito ng hitad. Kahit tumambling pa ito sa harapan ng mga Hapon ay gagawin niya para ‘pag uwi niya ng bansa, may bitbit siyang lapad. O, laban ka?!

Tinalbugan daw ng hitad na ito ang mga babaeng nagtatrabaho sa club doon. Ang hindi alam ni sexy actress ay nandu’n pala nagtatrabaho ang lalaki kung saan matagal na niyang gusto. At may nangyari raw sa kanila noon.

Nang magkita nga raw ang dalawa, sinabi ng aktres sa lalaki na, “Hoy! ‘Di ba ikaw si ______? Dito ka pala nagtatrabaho. Labas naman tayo, gawin natin ang ginagawa natin noon.”

Hesusmaryosep! Nandiri raw talaga ang lalaki sa kanya. Sabi na lang daw ng lalaki sa kanya, “Hindi ako puwede at bawal sa amin.”

Ang nakakaloka pa, si sexy actress pa ang nagyaya na bayaran na lang daw niya ito, lumabas lang sila.

Nakakaloka, ha?! At bakit siya balahura? Naku, ‘day! Bago raw ito pumunta sa Japan, nag-iwan daw ito sa labas ng bahay niya sa may pinto ng pasador. Eww! Kadiri siya! Ang isa pang nakakaloka ay sa condo ito. Nawindang ako du’n, ha?!

Kaya itong si aktres-aktresan, hindi na kailangan ng clue dahil gets n’yo na ito. ‘Yun na!


Ooola Chika
E-mail: tita_s2006@yahoo.com
by Tita Swarding

No comments: